Pawisa a Blatter vawmtu hrem a ni dawn

British comedian Simon Brodkin chu FIFA-in press conference an neih lai a tihbuai avangin hrem a ni dawn. Brodkin hian Thawhṭanni khan FIFA president Sepp Blatter chu media hmachhawn tura a inbuatsaih lai tibuaiin pawisain a vawm a ni.

Kum 38-a upa Brodkin hi Zurich khawpuiah police ten manin zawhna zawh a nih hnuah chhuah leh a ni a, Swiss thuneitu te chuan thubuai siamsak a nih tur thu hi an puang.

Switzerland police thupuangtu chuan Brodkin chu phalna nei lo a FIFA building-a a luh vanga hremna pe tur an nih thu an sawi a, a thil tihsual erawh buaina thlentu liantham a nih loh avangin hremna na tak pek a nih a rin loh thu a sawi bawk a ni.