Sabalenka a chak awlsam

Hmeichhe tennis world number 1 Aryna Sabalenka chuan Indian Wells last 16 lut turin harsatna a tawk lo, nimin zing khan Lucia Bronzetti chu 6-1, 6-2 in a sawp.

Belarus nula Sabalenka chuan, "Point aṭanga teh chi a ni lo, kan inkhel kha a awlsam lo," tiin a sawi a, a khingpui chu player nem leh hnuaihnung zawk lutuk angin a sawi duh lo.

Coco Gauff pawhin hnehna a chang - world number 3 Gauff hian Maria Sakkari chu 7-6 (7/1), 6-2 in a hneh a, season hmasa khan Indian Wells-ah tho hian semifinal-ah an intawng a, tunah chuan result a inthlak ta a ni.

Inkhel dangah Madison Keys chu harsa takin a chak bawk - Australian Open champion hian inkhel inhnehtawk takah Elise Mertens chu 6-2, 6-7 (8/10), 6-4 in a paltlang hram.