Hamburg Open khel tur Nadal

World number 1 hlui Rafael Nadal chuan karleha khelh tur Hamburg Open-a a inlan tur thu a tichiang.

Wimbledon 2015 second round-a a tlak hnuah Nadal hi a la inkhel leh lo a, tun season a Grand Slam tournament hnuhnung ber September thla tir a khelh tur US Open inbuatsaih nan Hard Court tournament a khel leh ṭan tawh dawn a ni.

Kum 29-a upa Nadal hi hliam neuh neuhin a tihbuai fo avang leh a inkhelh chhunah pawh beisei a phak loh ṭhin avangin world ranking-ah pawh kum sawm chhunga a hniam lai ber tawngin 10-na a ni mek.

Grand Slam vawi 14 champion tawh Nadal hian kum 2008 khan Hamburg Open hi a lo khel tawh a, final-ah Swiss thiampuipa Roger Federer a hneh lo a ni.