Bike chesual-ah pahnih thi
Pathianni khan California-ah World Superbike support event neih a ni a, hetah hian rider pahnih chesual in an thi.
Laguna Seca hmuna Mazda Raceway tlankawngah MotoAmerica Superbike/Superstock 1000 neih a ni a, lap khatnaah chetsualna hi thlengin Spanish rider pahnih kum 35-a upa Bernat Martinez leh kum 27-a upa Daniel Rivas Fernandez te chu Hospital panpui nghal an ni.
Martinez hi ambulance hmangin Monterey Community Hospital-ah hruai nghal niin Fernandez erawh REACH Medical Air Services hmangin Natividad Medical Center, Salinas-ah hruai a ni thung, mah se an hliam tur loin an thi zui ve ve.
MotoAmerica president Wayne Rainey chuan, "Rider pahnih chhungte ka tawrhpui takzet a, chutiang bawkin MotoAmerica chhungkua paw'n kan sunin kan tuar takzet a ni," a ti.