Liverpool an chak :

Pre-season tour neia zinchhuak mek Liverpool chuan nimin khan Adelaide United chu 2-0 in an hneh. Adelaide Oval-a mipui pungkhawm 53,000 hmaa goal khungtute hi nipui transfer-a Liverpool player thar pahnih James Milner leh Danny Ings te an ni.

English winger Milner hian kar hmasa khan Brisbane Roar an hneh ṭumin goal a lo khung tawh bawk. Striker Ings-a goal thun hi Southampton aṭanga Liverpool zawmtu Nathaniel Clyne a siamsak a ni nghe nghe.

Liverpool XI: Mignolet, Clyne, Skrtel, Lovren, Gomez (Moreno, 45) Allen (Markovic 84) Henderson, Milner (Lucas 73), Ibe, Lallana, Origi (Ings 68)