Stoke City-in player ṭha lakbelh an tum

Stoke City boss Mark Hughes chuan season an ṭan leh hma ngeia player ṭha lakluh an tum thu a sawi. Potters ho hian tun nipui transfer-ah player pasarih lai an la lut tawh a, Ukrainian winger Andriy Yarmolenko nen sawi zawm mek an ni bawk.

Hughes chuan, "Yar­molenko te ang qua­lity player hi kan zawng a, kan thei a nih chuan kan club-ah lakluh ngei kan duh a ni," tiin Dynamo Kiev player chu an rim mek thu a sawi.

Stoke City hian club-record fee-in Inter Milan winger Xherdan Shaqiri chu an lo dawr fel tawh a, mahse Swiss winger hi in report tura an beisei hunah a in report loh avangin an inbiakna hi a tlawlh leh a ni.

Season hman zawh taka Premier League-a pakuana Stoke City hian tun nipui transfer-ah Moha El Ouriachi (Barcelona), Joselu (Han­nover 96), Shay Given (Aston Villa), Phi­lipp Wollscheid (Bayer Leverkusen), Jakob Haugaard (FC Midtjylland), Marco van Ginkel (Chel­sea - loan) leh Glen John­son (Liverpool) te chu Britannia Stadium-ah an lo seng lut tawh nghe nghe.