PSG player thar Benjamin Stambouli

Tottenham midfielder Benjamin Stambouli chuan kum nga chhung cham turin French champion Paris St-Germain a pan a, a man zat hi pound maktaduai 6 a ni.

Kum 24-a upa Stambouli hian nikum September thla khan transfer tawpniah Montpellier aṭangin Spurs hi a pan a, vawi 12 chiah London club tan hian inlanin beisei a phak lo hle.

PSG president Nasser Al-Khelaifi chuan, "France chuan Ligue 1 in ṭan leh hunah player ṭha leh hmasawn tur dang a hmuh belh dawn a ni," a ti.

Spurs a zawm hmaa Montpellier tana match 129 lai inlan hman Stambouli chuan, "Kum khat chauh cham hnua Premier League club chhuahsan hi ka tum dan a ni bik lo. Mahse, PSG te ang club ṭhain min duh thu hriat chuan hnar phal chi a ni lo," tiin Premier League a chhuahsan chhan a sawi.