Match riat khel lo tur Ciftci

Scottish Football Asso­ciation chuan Celtic striker Nadir Ciftci chu season thara Scottish Premiership match vawi ruk khel thei thei lo turin an hrem.

Tun thlaa Dundee United aṭanga pound maktaduai 1.5 a Celtic zawmtu striker hian nikum Dundee derby-ah khan Jim McAlister chawnah a seh; Nikum May thlaa thil thleng hi a tirah chuan match refree Bobby Madden-a'n hmu lo mah se TV replay-ah chiang taka a lan avangin hremna hi a pumpelh lo.

Kum 23-a upa Turkish international hi mi seh vanga match ruk inkhel thei lo tur a hrem a nih bakah nungchang mawi lo vangin match hnih khel thei lo tura hrem a ni bawk.