Everton jersey nen Rooney

Manchester United striker Wayne Rooney chuan a ngaih­san leh a khelhpui hlui Duncan Ferguson thlahna in­khelah Everton tana khelh a remti.

August 2 khian Everton leh Villarreal te Goodison Park-ah an inkhel dawn a, Everton player hlui Rooney pawh a inlan ang.

Rooney hi Croxteth, Liver­pool-a piang ni mah se kum kua leka upa a nihin Liverpool FC hmelma Everton FC-ah a inziak lut a, kum 16-a upa a nihin Everton first team tan a khel tawh. Everton ṭantu ruh angin inchhal mah se kum 2004 khan pound maktaduai 25.6-in Manchester United a zawm.

Kum 2008 khan Everton nena an inkhelh ṭumin Manchester United logo a fawp a, Everton fan-in an haw hle. United lama a tlak tlum tawh avangin Goodison Park-ah lawm a hlawh tawh lo.

Rooney chuan, "Crox­teth-a seilian ka nih angin Ferguson hi ka hero a ni. Dunc chunga lawmthu sawina remchang chu testimonial match khelh sak hi a ni. Khel tur hian min sawm lo ta reng pawh nise Evertonians dang ang thoin a hmunah ka ṭawi­awm ang," tiin a sawi.

Duncan Ferguson hi Scot­tish striker a ni a, Everton-ah ṭum hnih a khel hman. A khelh hmasak zawk ṭumin (1994–1998) match 107-ah goal 42 a khung a, Newcastle United tana season khat a khelh hnuah Everton-ah let lehin match 123-ah goal 30 a khung a, Everton-ah hian a huntawp hmangin kum 2006 khan football a chawlhsan.