200m youth record siamtu Hill

Colombia-a neih mek IAAF World Youth Championships-ah Ameri­can sprinter Candace Hill chuan 200m youth record a siam.

Thawhṭanni khan kum 16 chauha upa Hill hian second 22.43 chhunga 200m tlan thlengin a hnampui Rain Williams a hneh a, hei hi world record a ni bawk.

Kuminah Hill hi a che ṭha hle mai a, thla hmasa a neih zawk tak Youth Championships, Seattle-ah khan 100m chu second 10.98 chhunga tlan thlengin youth record a lo siam tawh bawk. Kuminah 100m leh 200m world youth record a siam ve ve a ni.

Tun hnaia record pahnih siamtu Hill chuan, "Bul ka ṭan ṭhat vangin a tawpah hnehna ka chang. Kha aia ṭha khan ka tlan thei tih ka hria a; tlan ngei pawh ka tum ang. Mahse, tunah chuan chawlh hahdam phawt ka duh," tiin a sawi.