Arnold a inhliam

Liverpool defender Trent Alexander-Arnold chu Paris St-Germain nena an inkhelah, minute 73-naah lakchhuah a ngai a, English fullback hi Vitinha nen ball an inchuhna lamah a khupah a inhliam.

Reds coach Arne Slot chuan, "A hliam vangin lakchhuah a ngai a, kan tan chuan thil ṭha lo tak a ni. A khup hliam hi en dik niin, a endiktute min hrilh danin a hliam hi a na angreng hle - Pathianni zanah a inlan thei a nih chuan a mak ang," a ti.

Liverpool hian Pathianni zan dar 10:00-ah League Cup final an khel dawn a, Newcastle United an hmachhawn ang. Arnold hi nikum League Cup final-a Chelsea an hneh ṭum pawhin a inlan thei tawh lo.

England manager Thomas Tuchel chuan Zirtawpni hian tun thla international break atan squad a puang a, World Cup qualifier-a Latvia leh Albania hmachhawn tur zingah Arnold a tel a rinawm ta lo.