Stadium thar nuai khat lenna tur

Manchester United chuan tluklehdingawn hnih man stadium thar, mi nuai khat lenna tur sak an tum thu an puang. Stadium thar hi Old Trafford bulah chiah sak tura ruahman a ni.

Hetianga anga stadium lian sak nan hi chuan kum 10 vel mamawh ṭhin a ni a, Man United erawhin sorkar puihnaa Manchester ship canal hman theih beiseiin kum ngaa zawh theih an inring.

Stadium thar design hi architectural firm Foster + Partners duan a ni a, an sa puitling thei a nih chuan Europe-a khelmual zingah Barcelona khelmual Camp Nou (105,000) chiah mipui len tam lamah a tluk lo ang.