Feyenoord tan Inter an lian lutuk

Inter Milan chuan Feyenoord hnein Champions League quarterfinal an lut - Serie A champion hian 2-1 in hnehna an chang a, an intawn tawhna hmasa nen belh khawmin 4-1 in an chak tlang.

Italian club hian khualmualah hnehna an lo va chang tawh a, chuvangin Thawhlehni zana San Siro-a mikhual an thlen ṭum pawh hian an dinhmun a ṭha sa hle, minute riatna lekah Marcus Thuram hmangin goal an khung hmasa leh a ni.

Chawlhlawk hmain Hakan Calhanoglu-a'n penalty a chawi a, mikhual team tan Jakub Moder chuan khungin Dutch club tan beiseina a siamsak a, mahse second half-ah Calhanoglu chuan penalty khung ve thungin an chak a nemnghet.

Inter Milan manager Simone Inzaghi chuan, "Stadium chhungah khan football hmuhnawm en chak an lo fuan khawm a, an duh ang an hmu ngei ni pawhin ka hria, kan tan chuan khelmual sir aṭanga min thlawp tlatute hi an hlu ṭhin takzet.

"Champions League a nih hi chuan match zawng zawng hi a awlsam lo a, a bik takin knockout stage china hetiang result neih hi chu a lawmawm zual hle a ni," tiin a naute khelh danah a lawm hle.

Inter Milan hian Serie A nomawi an kawl lai humhim turin kawng dik an zawk mek bawk a, hmahruaitu an ni. Champions League quarterfinal-ah Bayern Munich an hmachhawn dawn a, inkhel a hmuhnawm ang.

Feyenoord coach Robin van Persie chuan, "Ka naute khan an khel ṭha ka ti, goal ven leh a nawr pawh kha kan ti ṭha hle chuan ka hria. Mahse, Champions League-ah chuan vawi khat tihsual palh lek hi a pawi thui ṭhin," a ti.

Dutch striker hlui Van Persie leh a naute hi Eredivisie-ah pangana an ni mek a, season thara Champions League khelh phak leh a harsa dawn - UCL khel phak chin pahnihna PSV an phak lohna chu point 11 lai a ni.