Penalty pet ngam lo Mbappe

Real Madrid-in goal khung nuam ti tak player pahnih an nei a, an hming chu Kylian Mbappe leh Vinicius Jr te an ni - Atletico Madrid lakah Mbappe hian penalty a hlawh chhuak a, mahse, a pet lo!

Mi tam takin a pettu Vinicius Jr thu zawk vangah an ngai a, Spanish football expert Guillem Balague erawhin Mbappe-a'n Vini zawk chu pet turin a kian niin a sawi.

Balague chuan, "Real-in penalty an hlawh chhuak a, mahse, Mbappe khan khatihlai khan a kerek chu na a ti deuh a, a ke tin a thlawn titih bawk. Kha vang khan Vini hnenah, 'Penalty pet tur hian ka inpeih lo tlat mai,' a ti a, Vini khan mawhphurhna a la ta a ni," a ti.

Penalty shootout-a Real penalty pet dan sawi zuiin, Balague chuan, "A tawp berah khan Endrick chu pet tur a ni a, mahse, Carlo Ancelotti khan Endrick kha enin, a la inpeih lo tih a hrethiam a, Antonio Rudiger a pettir ta a ni," a ti.

Kum 26 mi Mbappe hian tun season-ah Real tan match 42 khelin goal 28 a khung tawh a, assist vawi li a nei bawk. Kum 24 mi Vini hian match 38-ah goal 18 khungin, assist vawi 11 a nei thung.