ISL league round a zo

Indian Super League-a league round match hnuhnung ber chu Nilaini zan khan khelh a ni a, Hyderabad leh an mikhual Kerala Blasters chu 1-1 in an inhnehtawk.

Blasters hian Dušan Lagator hmangin goal hmahruai an khung a, Sourav K chuan Hyderabad tana si phurh sutin, hmahruaina hun ṭha an neihah Andrei Alba chuan Hyderabad tan penalty a khung lo thung.

Hyderabad tan Isaac Vanmalsawma chu bench aṭanga lutin, Blasters tan Freddy Lallawmawma leh R. Lalthanmawia te bench aṭangin an lut bawk - ISL-ah hian playoff chu March 29 leh 30-ah khelh a ni ang a, April-ah semifinal khel tura ruahmanna siam a ni.

Mohun Bagan leh FC Goa chu semifinal lut tawh niin, NorthEast United, Bengaluru, Jamshedpur leh Mumbai City-ten playoff an khel dawn. Pathumna Highlander hian Mumbai an mikhual ang a, Bengaluru-in Jamshedpur an mikhual thung ang.

Playoff hi single leg-a khelh tur niin, table-a sang zawk khelmualah zel khelh tur a ni a, playoff-a chakte hian semifinal an lut ve leh dawn a ni.