Simeone a lungawi thei lo!

Atletico coach Diego Simeone chuan, "Referee khan Julian-a'n penalty a pet dawn khan, a ke lehlamin a lo tawk fuh hmasa a, mahse, ball kha a lir sawn chuang lo, tiin a sawi. Penalty-ah VAR an rawn ka la hre ngai lo a, a ke khan a lo tawk fuh hmasa tih kha an hmu ngei a ni mahna le.

"Alvarez khan ball kha vawi hnih a tawk lai hmu kan awm em? Stadium chhungah hian chutiang hmuin awm a nih chuan, in kut phar ula, hetah hian lo chhuak rawh u. Tumah kut phar ka hmu lo che u a, chuvangin sawi zawm tur ka nei lo," a ti a, a lawm lo hle.

Real Madrid coach Carlo Ancelotti chuan, "Official-ten an lo hmu fuh a, keini pawhin kan rinhlelh laiin VAR chuan a lo hmu reng tawh a ni. Ka hmu ngei a, a ke vei lam khan a tawk fuh ngei niin ka hmu," a ti.

Madird goalkeeper Courtois chuan, "Thil dik lo kha a awm ngei niin ka hria a, referee bulah khan kan sawi nghal nghe nghe. Tichuan thil thleng chu tihchian a ni a, kan chance a ṭha ta sawt a ni. Alvarez khan vawi hnih a tawk ngei a, a vanduai hle - mahse, dan a ni miau si alawm," tiin referee a thlawp.