Engvangin nge Alvarez penalty an pawm loh?

Real Madrid tana penalty pet hmasa pahnih Kylian Mbappe leh Jude Bellingham ten chhuih lutin, Atletico tana Alexander Sørloth-a'n a khung hnuah Julian Alvarez chuan a khung ve bawk - mahse, he tah tak hian buaina a awm.

Alvarez hi penalty a pet hmain a tlu a, ke vei lamin ball hi a tawk hman. Mahse, Alvarez-a ball tawk hi a chet phah lo a, a awmna ngaiah a awm a, Argentine striker hian a pet tumna saah tak a pet bawk.

Mahse, video assistant referee (VAR) a inrawlh a, Polish referee Szymon Marciniak chuan Alvarez chhuih luh hi penalty-a pawm theih lohah ngaiin a pawmsak duh lo - Atletico an vanduai takzet.

Atletico tan Alvarez-a khung pawmsak a nih loh hnuah Angel Correa chuan khung mah se, Marcos Llorente-a'n bar a pet per. Real tan Lucas Vazaquez-a'n hlah ve tho mah se, Federico Valverde leh Antonio Rudiger ten khungin, Real hi 4-2 in an chak.

Alvarez-a penalty khung pawm loh chu Atletico vel ṭaptu a ni. IFAB (International Football Association Board) laws of the game, Article 14.1-ah chuan, "Penalty pettu chuan, ball-in player dang a tawh fuh leh hma chu a pet leh thiang lo," tiin a inziak.

Chumi awmzia chu penalty pettu khan a zawnin ball a tawk thiang lo tihna a ni - penalty pettu khan post pet per se, ball khan player dang a tawk fuh phawt a nih loh chuan a lo pet leh thiang lo, tihna a ni tel.

Inkhelh hun pangngaiah Alvarez-a chunga thil thleng ang hi thleng ta se, penalty chawi lamin indirect free-kick an hlawhchhuah theihna tur a ni.