Verstappen kan nagihtuah lo - Wolff

Mercedes Formula 1 boss Toto Wolff chuan hmasawn an duh ngei tih chu a sawi a, mahse kum 2026 a lo thlen huna Max Verstappen lakluh tum anga an sawina erawh damrei nghah thil a la nih thu a sawi bawk.

Mercedes driver George Russell-a contract neih lai hi kuminah a zo dawn, season hmasa khan Wolff hian Verstappen chungchang a lo sawi zauh tawh a, chuvangin tun hnaiah Red Bull driver nen hian an sawi zawm.

Mahse, Red Bull aṭanga Verstappen la tur emaw, a contract zawh huna thlem lut tur emaw pawhin sum an sen huai a ngai ang, a zawna vawi li champion thei nih hi thil awlsam a ni dawn lo.

Wolff chuan, "Tunah chuan Verstappen lakluh hi kan ngaihtuah thei rih lo, kan neih sa te a ṭha thei ang bera hman hi kan tih makmawh chu a ni zawk a, chumin tur chuan ngaihtuahna pawh kan seng," tiin a sawi.

Car intlansiakna sang ber F1 season thar atan Mercedes hian driver pahnih Andrea Kimi Antonelli leh George Russell te an hmang dawn a, tun kar tawpah hian inelna an ṭan tawh dawn a ni.