Djokovic a training ngawrh

Beisei anga a khelh theih loh avangin Novak Djokovic chuan danglamna thlen a tum a, tunlai hian a coach Andy Murray nen training an nei ngawrh hle, service aṭangin a bul an ṭan a ni.

Serbian star hian season hmasa khan Grand Slam nomawi chawi a nei lo, hun rei tak hnuah major title la loa kum a hman tluanna a ni hial a, kuminah pawh beisei angin a khel thei rih lo.

Australian Open an khelh ṭum khan hliam vangin a khel tluan thei lo, a inhnukdawk zui a ni. Indian Wells khel leh mah se player langsar lo tak ngam loin a match hmasa berah a tla nghal.

Murray nen an thawhdun hnuah Djokovic hian beisei angin a khel lo a, tunah chuan tun thla chawhnu lam aṭanga khelh tur Miami Masters atan a inbuatsaih mek a, hard court inelna a nih avangin atan insiam ṭhat theihna kawng a inhawng zau tura ngaih a ni.