Domenicali tan contract thar

Formula 1 chief executive Stefano Domenicali chuan contract thar a ziak a, inremna hi kum 2029 thleng daih niin car intlansiakna sangah thuneihna a nei chhunzawm rei dawn hle.

Italian mi Domenicali hian tun hmain Ferrari team principal hna leh Lamborghini chief executive nihna pawh a lo chelh tawh a, tuna a hna chelh lai hi kum 2021 aṭanga a chelh kha a ni thung.

F1 chuan thuchhuah siamin, "Stefano hi Formula 1 tana mi hlu a ni a, khawvel huapa car intlansiakna chawi sangtu leh sulsutu pawimawh zinga mi a ni," tiin an sawi a, a lakah beisei an nei sang hle.

Ferrari team tana kum ruk chhung hna lo thawk tawh Domenicali chuan, "Infiamna tan hian phurna leh thathona ka neih chhung chu ka bei chhunzawm dawn," a ti a, tun hma aia ṭha lehzual zawkin beih a tum tih a sawi bawk.