Kuyt-a an lawm ropui

Dutch veteran for­ward Dirk Kuyt chuan April thla khan a club hlui Feyenoord a zawm a, Pathianni khan De Kuip stadium-ah ropui taka lawm luh a ni.

Kum 34-a upa Kuyt hian 2003 - 2006 chhung khan Feyenoord tan khelin match 122-ah goal 83 a khung. Dutch player hian pound maktaduai 10-in kum 2006 khan Liverpool a zawm a, kum 2012 aṭangin Turkish club Fenerbahce tan a khel leh bawk.

Kuyt hian kum khat chhung atan Feyenoord-ah hian contract a ziak a, Pathiannia Feyenoord-in Fortuna Dusseldorf nen friendly match an khelh ṭumin second half-ah a inlan.