Drogba-a'n MLS lam a hawi
Chelsea striker Didier Drogba chuan MLS club nen indawrna an neih ngei thu a sawi a, mahse a club hming erawh a sawi lang lo thung.
Ivorian striker Drogba hian Chelsea-a a contract a hman zawh tawh avangin a duh lam lam a hawi thei tawh a; Frank Yallop a enkawl Chicago Fire tana khelh a hreh lo hle nia ngaih a ni.
Kum 37-a upa ni tawh mah se Drogba hian a duh a nih chuan club zawm tur ala haihchham lo hle. Italian club Inter Milan pawhin an duh nia sawi a ni bakah MLS club dang Montreal Impact paw'n an ngaihven hle.
African Player of the Year atana vawi hnih an thlan tawh Drogba chuan, "Inter te ang club ropuiin min duh a nih chuan ka tan hnar a harsa ang. Mahse tunah chuan MLS club nen inbiakna kan nei mek a ni," tiin a sawi.
Chelsea-a ṭum hnih hun a hman chhungin Drogba hian a club tan goal 150 a khung a; Premier League-ah vawi li a champion bakah UEFA Champions League-ah a champion bawk.