Ram tan Andy Murray a rintlak

Pathianni zan khan Davis Cup semifinal chu khelh zawh a ni ta a; Andy Murray chuan Gilles Simon hnehin kum 1981 hnua a vawi khat nan Great Britain chu semifinal a thlen pui leh ta.

Queens Club a inkhelah Murray hian France chhuanvawr Simon chu 4-6, 7-6, 6-3, 6-0 in a hneh. A single match hmasa zawkah Jo-Wilfried Tsonga a lo hneh tawh bawk.

Quarterfinal inkhelah hian Murray hian a thwh hlawk hle a, single-ah vawi hnih hnehna a chan bakah a unaupa Jamie Murray nen ṭang dunin double-ah hnehna an lo chang tawh bawk. Best-of-five-ah Britain hian France lakah 3-1 in hnehna an chang a ni.

Kum 28-a upa world number 3 Murray chuan, "Kan record hi kan en chuan semifinal kan thlen lohna a rei tawh vang vang hle, tunah chuan ka record duhawm lo tak kha kan thai bo ta. Kum 1936-a kan ram mipuite hlimna ang kha thlen tir leh ngei kan tum ang," tiin Britain champion hnuhung ber kuma fan-te hlimna ang chu thlen tir leh a tum hle.

Quarterfinal lehlamah Lleyton Hewitt chuan an ram Australia chu Kazakhstan lakah hnehna chanpuiin semifinal-ah Britain nen an in hmachhawn leh ang.

Kum 34-a upa 2002 Wim­bledon champion Hewitt hian 7-6, 6-2, 6-3 in Aleksandr Nedovyesov a hneh.

Australia hian double-ah an khel ṭha lo a, vawi hnih an chak loh hnuah single-ah che ṭha ve lehin 3-2 in hnehna an chang let a ni. Australian hian Davic Cup-ah hian record chhuanawm tak an nei bik lo a, kum 1939 hnua semifinal an thlen lehna hmasa ber a ni nghe nghe.

Semifinal lut turin Argentina chuan 3-0 in Serbia an hneh bakah Belgium chuan 3-0 bawkin Canada an hneh. Semifinal hi September 18 - 20 khian khelh chhunzawm leh a ni ang.