Schneiderlin thlaktu tur Clasie

Southampton manager Ronald Koeman chuan a player thar defensive midfielder Jordy Clasie chu Morgan Schneiderlin thlak tura player ṭha leh duhthusam a nih thu a sawi.

Saints hian an player pawimawh chu Manchester United lakah an chan a, ani thlak tur hian Feyenoord aṭangin kum nga chhung atan Clasie an la lut.

Netherlands international kum 24-a upa Clasie hian Inrinni khan a club thar tana a game hmasa ber khelin Groningen lakah 3-0 in hnehna an chang nghe nghe.

Kum 52-a upa manager Koeman chuan, "Jordy nen hian season thum chhung kan lo thawh dun tawh avangin kan inhrechiang viau; a kum a la tam loh avangin hmasawnna tur a la nei a, ka hmuh dan chuan Schneiderlin hmun ruak luahkhat turin ani aia ṭha an awm chuang lo ang," tiin a sawi.