Euro U19 Spain an champion

21st July, 2015

Pathianni khan Greece-ah 2015 UEFA European Under-19 Championship khelh zawh a ni a, Spain an champion.

Spain hian final-ah Russia 2-0 in an hneh a, goal khungtute hi Real Madrid rawlthar Borja Mayoral leh Villarreal midfielder Matias Nahuel te an ni a, inelna goal thum khungtu Mayoral hi top scorer a ni.

Spain hian group stage-ah Russia hi 3-1 in an hneh lo a, amaherawhchu Germany an hneh hnuah Netherlands an draw bawk avangin semifinal an lut hram.

Semifinal-ah Spain-in Russia 2-0 an hneh a, hemi ṭum hian Real Madrid winger Marco Asensio-a'n goal hnih a khung.

Spain hi Euro U19-ah vawi 10 an champion-na chiah a ni a, champion ngun ber an ni. Anmahni hnaih bertu vawi kaw champion tawh England erawh an champion hnuhnun ber chu kum 1993 daih tawh kha a ni.