Gold Cup Mexico tan Guardado goal khat a tawk

Pathianni zan khan CONCACAF Gold Cup quar­terfinal chu khelh zawh a ni ta, Mexico tan Andres Guardado chuan minute 124-ah goal khungin Mexico chu semifinal a thlen pui.

MetLife Stadium-a in­khelah hian minute 90 chunga goal a luh loh avangin extra time khelh a ni a, team pahnih an inbeih tawk em avangin penalty shootout hmanga chak zawk zawn ngai ngei tura ngaih a ni hman.

Mahse, minute 124-ah substitute Roy Miller-a'n Oribe Peralta a tih tluk avangin penalty a chawi. He hun ṭha hi PSV Eindhoven winger Guardado chuan an chakna goal khung nan a hmang a ni.

Inkhel dangah Trinidad and Tobago leh Panama te chu goal khat ve ve khunga an inhnehtawk avangin penalty shootout hmanga chak zawk zawn a ni a, 5-6 in Trinidad an chak a, semifinal an inhlangkai.

Panama tan minute 37-ah Luis Tej Ada-a'n goal khungin hma an hruia a, second half ṭan tirhah Kenwyne Jones chuan Trinidad tan khung ve in goal dang a luh belh tawh lo.

Inkhelh zawha hming lang­sar ber chu Panama goal­keeper Jaime Penedo a ni thung, ani hian Lester Peltier penalty pet dan sakin an ram a chhanhim. Kum 2013 finalist Panama hian final lut turin Mexico an paltlang a ngai ang.

Semifinal fixture:

July 22, Nilaini

Unites States Vs Jamaica

Panama Vs Mexico