Vlaar a hliam na

Dutch defender Ron Vlaar chu a khup vei lam hliam chu kar hmasa Nilaini khan zai a nih avangin thla li chhung khelmualah a inlan thei dawn lo.

Netherlands international Vlaar hian Aston Villa-a a contract neih lai a hman zawh chiah avangin tunah hian a duh lam lam a hawi thei mek a; Italian club Lazio bakah Premier League club Southampton nen sawi zawm mek a ni.

Kum 30-a upa central defender hi season hmasa khan hliamin a tihbuai avangin a club tan vawi 23 chiah a inlan a ni. Vlaar hi an ram Netherlands tan age level-ah a inlan tawh bakah senior level-ah vawi 31 a inlan tawh bawk.