Naupangte tan Roger Federer

Tennis star Roger Fe­derer chuan Pathianni khan Malawi a tlawh. World num­ber 2 Federer hian Li­long­we-ah ama charity foun­da­tion kaltlanga enkawl tur­in naupang hnuaihnungte enkawlna hmun tur 'Child care centre' a hawng.

Malawi hi khawvela ram rethei ber pawl niin naupang ei tur khawp kham lo an tam em em a, he thil lungchhiatthlak hi Federer chuan hria­in kum 2011 khan international charity Action Aid nen ṭang kawpin district parukah naupang enkawlna hmun a lo din tawh. Ruahman dan chuan kum 2021-ah chuan naupang 135,000 zet enkawl a tum a ni.

Zirchianna in a tarlan danin Malawi a naupang thla 13 - 23 inkara a zatve aia tam zawk chuan an mamawh khawp ei leh in tur an hmu pha lo a, an hriselna dinhmun a ṭah lo hle bawk.

Airport-a amah lo hmuaktute hmaah Wim­bledon final-a vanduai hlim Federer chuan, "Ka ngaihdan chuan mitinin eitur hrisel leh kan taksa mamawh tawk kan hmuh hi a ngai a ni. A bik takin Malawi rama naupang ten an mamawh ang ei leh in tur ṭha an neih theih nan ka theih tawpin ka bei zel ang," tiin a sawi.

Kum 33-a upa Federer hian Grand Slam nomawi vawi 17 chawi tawhin mipaah ani aia champion tam an awm lo.