Depay hi player talent nei ṭha bik a ni - Schweini

Manchester United midfielder Bastian Schweinsteiger chuan amah ang bawka United player thar Memphis Depay chu a fak hle.

Bayern Munich mid­fielder hlui Schweini chuan, "Memphis hi player talent nei ṭha bik a ni a, khelhpui a nuam khawp ang," tiin a sawi.

German midfielder chuan player naupang zawkte fak zuiin, "An­dreas Pereira, Jesse Lingard leh James Wilson te khel kha uluk takin ka thlir a, player ṭha tak vek an ni. Ka career-ah player tam tak ka hmu tawh a, United rawltharte hi an ṭha tih ka chiang a ni," a ti.

Southampton aṭanga United zawmtu Morgan Schneiderlin leh Matteo Darmian chungchang sawiin Basti chuan, "Schneiderlin hi player ṭha takah ka ngai, Club America lama a goal khung kha a awlsam lo a ni. Field chhunga a ṭhatna aia pawimawh chu nungchang ṭha tak a nei hi a ni. Darmian hi Italian player dang ang thoin a khelh dan hmangah a chiang a, a rang tel bawk," tiin a sawi.

United hian Inter­national Champions Cup 2015-ah Nilaini zing dar 8:30 khian MLS club San Jose Earthquakes an hmachhawn ang a, Star Sports 4-ah an live ang.