VAR-in penalty tur pathum a hmu lo - Mourinho

Europa League-ah Jose Mourinho enkawl Fenerbahce-in Glasgow-ah 2-0 in Rangers hneh mah se an mualah 3-1 a an chak loh avangin penalty pet a ngai. Turkish club hian penalty shootout-ah Scottish club hi an hneh lo.

Fenerbahce manager Jose Mourinho chuan, "Thil thleng hi Budapest final-a thil thleng vang a nih loh hram ka beisei a, thil thleng ve hrim hrim ni se ka ti. Tunah chuan khami ṭuma hremna kha ka hmang zo tawh a, pawisa pawh ka chawi tawh. Chvuangin tun ṭuma VAR-in penalty ṭum thum ngawt hmuh theihna tura min pek loh hi, thil dang vang ni se, tih hi ka ṭawngṭaina a ni," tiin a sawi.

Roma a enkawl laiin Mourinho hian kum 2023 khan final-ah Sevilla an hmachhawn a, hun pangngaiah 1-1 a inhnehtawkin penalty shootout-ah 4-1 in an chak lo. Portuguese manager hian final-ah hian referee vanga chak loah a inngai a, tun ṭuma an chak loah hian thiam takin a rawn sawi lang. Inkhel dangah Tottenham Hotspur an tho chhuak a, AZ Alkmaar 3-1 a hnehin quarterfinal an lut.