MVA Cup champion TNT

Mizoram Volleyball Association hnuaia inelna HPC MVA Cup 2025 chu Ningani zan khan khelh zawh a ni a, a tir aṭanga khel ṭha tluang ber Thutak Nunpuitu Team (TNT) an champion.

Inelna hi YMA Chanmari Hall, Lungleiah neih niin, tournament tir aṭanga a tawp thlengin TNT hi an chungnung. Best spiker atana thlan tak Vanlalṭanchhana (Valbuanga) leh a ṭhainte hian Tuichangral chu 25-22, 23-25, 25-18, 25-21 (3-1) in an hneh.

MVA hnuaia Pro League inelna niin, a tirah chuan Chhinga Veng Spikers pawh tel tura ngaih an ni. Mahse, Spikers hi an tel lo hnuhnawh a, team dang pali Khawbel, Sihphir, TNT leh Tuichangral te chauh an inlan.

Hmeichhe inelna lamah team ṭha Luangmual chuan Bungkawn chu inkhel inhnehtawk takah, 23-25, 16-25, 25-15, 25-22, 15-8 (3-2) a hnehin an champion ve bawk a ni.