Kawng dik kan zawh - Pellegrini

Europa Conference League quarterfinal an luh hnuah Real Betis manager Manuel Pellegrini chuan kawng dik an zawh tih a sawi, semifinal lut tur chuan Jagiellonia an hneh leh a ngai ang.

Spanish club hian Vitoria SC chu 4-0 in an hneh a, an intawn tawhna nena belh khawmin 6-2 in an chak. Hnehna an chan hnuah Pellegrini chuan, "Ka naute hian inrintawkna an nei sang em em a, rah ṭha a chhuah ta a ni.

"Team ṭha tak lakah ṭha lehzual zawkin kan khel thei a, min nawr buai viau lai pawhin kan chiai duh miah lo mai te khan min ti lawm, tunah chuan quarterfinal kan ngaihtuah thei tawh ang," a ti.

Europa Conference League quarterfinal hi April 10, Ningani zana first leg khelh tur a ni ang.