France-ah Mbappe a kir leh ta

Real Madrid striker Kylian Mbappe chu international break vawi hnih ngawt a zawna ram tana koh a nih loh hnuah, tun international break atan koh a ni leh ta a, UEFA Nations League quarterfinal-ah Croatia an hmachhawn dawn.

Didier Deschamps enkawl team hian March 20 zanah Croatia hi an lenchilh ang a, Narch 23 zanah second leg khel turin an mikhual leh bawk ang. Mbappe hian Real a pan tirhah beisei a phak lo a, an ram team squad-ah pawh telh a ni lo zui.

October leh November-a koh a nih loh khan coach Deschamps chuan, "Koh rih loh hi a ṭha zawk," tiin a sawi a, tunah erawh captain a ni dawn. Deschamps chuan, "Kan inbe tawh a, captain armband a hreng ang," a ti.

Kum 26 mi Mbappe hian tun season-ah Real tan match 42 khelin goal 28 a khung a, Madrid khaw club hian zanin dar 11:00-ah league match khel turin Villarreal an lenchilh ang.