Semifinal-ah Alcaraz a lut

Indian Wells vawi hnih champion tawh Carlos Alcaraz chuan semifinal a lut leh ta, nimin zing inkhelah Spanish star hian Francisco Cerundolo chu 6-3, 7-6 (7/4) in a hneh.

California thlalera inkhelah Alcaraz hi a duh ang takin a che thei bik lo, set hnihnaah phei chuan 1-4 zeta a hniam zawk hnuah a tho chhuak leh a, a tawpah erawh a dingchang zawk a ni.

Inkhel dangah Jack Draper chuan Ben Shelton chu 6-4, 7-5 in a hneh a, semifinal-ah Draper hian Alcaraz a hmachhawn leh dawn a, Pathiannia an inkhel tur hi a hmuhnawm khawp ang.

Hmeichhe inelna lamah pawh champion lai Iga Swiatek a la chak zel - Polish nula hian Zheng Qinwen chu 6-3, 6-3 in a hneh a, semifinal-ah Mirra Andreeva a hmachhawn leh dawn a ni.