Swiatek hnehtu Andreeva

Iga Swiatek tan a duhthusam ang a thleng thei ta lo - Polish nula hian Indian Wells nomawi a kawl lai humhim ngei tumin bei mah se semifinal-ah Mirra Andreeva hneh loin a tla.

Russian star Mirra Andreeva hi kum 17 mi chauh a la ni a, mahse tunlai tennis player hmuhnawm zinga mi a ni; tawnhriat nei ṭha zawk Swiatek hi 7-6 (7-1), 1-6, 6-3 in a hneh.

Andreeva chuan, "Set hnihna min rawn chhuhsak kha chuan rilru a hlauthawng hman, mahse ka tan chuan hloh tur kha a awm ve chuang lo a, nuam ti tak khan ka khel chhunzawm tawp mai a ni," tiin a sawi.

Semifinal lehlamah Aryna Sabalenka chuan Madison Keys chu 6-0, 6-1 in a lo sawp ve thung a, tukin khan hmeichhe final hi khelh niin Sabalenka leh Andreeva te hian nomawi an inchuh a ni.