Ka khelh chhiat ber ṭum - Alcaraz

Indian Wells champion lai Carlos Alcaraz chu semifinal-ah a tla a, a chak loh hnuah Spanish star chuan Jack Draper laka set khatna a khelh dan chu tennis a khelh tawh china a chet fuh lo ber ṭum a nih thu a sawi.

Nimin zing khan Court 1-ah player pahnihte hi an intawng a, seeded pahnihna Alcaraz hi Draper lakah hian 6-1, 0-6, 6-4 in a chak lo. Roger Federer leh Novak Djokovic te anga vawi thum champion nih a tumna chu a thlawn ta rih.

Grand Slam vawi li champion tawh Alcaraz chuan, "Zep tur a awm lo, a zawna vawi thum champion thei nih kha ka duhin ka châk hle. Mahse, kan duh leh tum ang vekin a awm theih bik loh tih chu a takin ka mu.

"Draper hi player ṭha a ni a, ka hneh lo hi mak ka ti lo. Mak ka tih zawk chu ka khelh dan kha a ni, a bik takin set khatna phei kha chu ka khelh chhiat ber ṭum a ni hial ang," tiin a sawi a, a chak loh chhan chu ama thiam loh a ni tih a pawm.

Semifinal inkhel dangah Holger Rune chuan Daniil Medvedev chu 7-5, 6-4 in a lo hneh ve thung a, inelna lian Grand Slam dawta inelna ngaihhlut Masters Tournament-ah a vawi li nan final a lut.