Saina Nehwal a chak lo

Thailand Masters badminton tournament khelh laiah Indian player an che fuh thei lo, world number 1 hlui Saina Nehwal chu Nilaini zan khan a match hmasa berah hneh nei loin a tla nghal.

India nula Saina hi a khingpui Line Hojmark Kjaersfeldt nen minute 47 an inkhelh hnuah 13-21, 21-17, 15-21 in a chak lo, an intawn hmasak paliah chak vek mah se tun ṭumah erawh Saina hi a che fuh thei lo. BWF World Tour Super 300 event-ah hian Kidambi Srikanth, Sameer Verma leh H S Prannoy te pawh an match hmasa berah an tla vek a, hmeichhe singles player Saina a tlak leh tak avangin India tan medal beisei tur a awm tawh lo tihna a ni.