Scotland tan Champions League hmun hnih

UEFA chuan season thar aṭang chuan Scotland-in Champions League-ah hmun hnih an neih tawh tur thu an tichiang a, mahse group stage aṭang erawhin an la khel thei chuang lo ang. 

Scottish Premiership champion chuan European football-a club inelna sang ber hi third qualifying round aṭangin an khel ṭan ang a, league-a pahnihna chuan third round hnuai qualifier aṭangin an khel ṭan thung dawn. 

Scottish Cup champion chuan Europa League third qualifying round an khel ang a, league-a pathumna leh palina chuan Europa League hnuaia league thar Europa Conference League an khel ang. 

Mahse, anni pawh hian group stage aṭangin an khel thei ngawt dawn lo a, second qualifying round aṭangin Europa Conference League hi an khel dawn a ni.