Mipa champion Hunthar VC

Hunthar VC tan ni tawpna a harsa lo, Round 4-a an elpui ber TNT 3-2 a hneh theih kha an chakna bulpui a ni. Champion team Hunthar hian TNT laka set hnih an hloh tih loh chu team dang pali lakah an hloh lo a, champion nemnghet turin an match hnuhnung berah 2nd IR Batallion MAP chu 3-0 in an sawp.

Hunthar-in season opening tournament an thununna kawngah coach Vanlalmawia chu thluak bur a ni a, captain Lalhruaitluanga chu game pressure san laiin team chhanchhuaktu a ni a. Captain hi Lalbiakmuana leh Remsangzuala ten an thlawp ṭha bawk.

Setter Hmangaih­thanga la naupang deuh nachungin a khelhpuite a hrechiang a, middle pla­yers Sawmsanga leh Lallawmkima te chuan langsar lua si loin champion-na kawngah tha an thawh hnem hle. Hunthar hian team dang neih loh a nei a, chu chu ṭantu mipui an ni.

Mipa team-te hian an khelh apiangin a chak zawkin Rs. 1,400 an la ziah a, a chak lo zawkin Rs 600 an dawng ve bawk. Champion team hian trophy leh Rs. 8,000 an dawng a, runner up team-in trophy leh Rs. 5,000 an dawng bawk.