Britain-in hma an hruai

Zirtawpni zan khan Queen Club, London-ah Britain leh France ten Davis Cup quarterfinal an khel. Mipa double-ah Andy Murray leh Jamie Murray te ṭang dun chuan Nicolas Mahut leh Jo-Wilfried Tsonga te ṭang dun chu 4-6, 6-3, 7-6 a hnehin an ram hi 2-1 in hma an hruai pui.

Mipa double an khelh hma hian single khelh a ni a, match hmasa berah France star Gilles Simon chuan James Ward chu 6-4, 6-4, 6-1 a hnehin France hma a hruai pui a, mahse match hnihnaah world number 3 Murray-a'n world number 12 Tsonga chu 7-5, 7-6, 6-2 a hnehin ram pahnihte result hi 1-1 chiah a ni.

Kum 28-a upa Andy Murray te unau in hnehna an chan leh chiah hian Britain chu dinhmun ṭha zawk a dingin kum 1981 hnua a vawi khat nana Davis Cup semifinal lut turin an dinhmun a ṭha rih hle. Quarterfinal paltlang zawk zawk hian September thla khian Australia leh Kazakhstan intuma chak zawk an hmachhawn leh ang.

Pathianni zan khan Murray hian single-ah Gilles Simon a hmachhawn leh a, an result erawh kan hre hman lo.