Villa player thar Amavi

Aston Villa chuan an captain Fabian Delph an chan hnuin Nice defender Jordan Amavi an la lut ve leh nghal a, France under-21 international hian kum nga chhung cham turin Villa Park hi a pan.

Villa hian kum 21-a upa Amavi mana an thehchhuah zat hi an tarlang lo. Delph a chan hnua a player ṭha dang Christian Benteke pawh chan thei dinhmuna ding mek Villa manager Tim Sherwood a lawm a, Premier League-a Villa chhanhimtu chuan, "Jordan hi Ligue 1-a player ṭha ber pawl a ni a, hei aia nasa zawka hma­sawn thei dinhmunah a ding mek bawk a ni," a ti.

Tottenham boss hlui chuan, "Club tam takin Jordan hi lakluh an duh a, kan hnena lokal a thlang hi kan lawm hle a ni," tiin French defender an chang thei chu a lawm hle.