City-ah Fulham rawlthar

Manchester City chuan champion­ship club Fulham aṭangin midfielder Patrick Roberts an la lut a, English midfielder man zat hi puanzar ni lo mah se British media-te chuan pound maktaduai 8 bawr vel niin an sawi.

Kum 18-a upa midfielder hian Craven Cottage-ah kum khat dang cham turin contract la nei mah se Inrinni khan club chhuahsan dilna a thehlut a, a dil ang hian phalsak a ni ta a ni.

Roberts hian Fulham tana a match hmasa ber chu 2013-14 season khan Fulham-in Premier League an la khelh laiin Etihad Stadium-ah a khel a, season hman zawh takah khan inelna hrang hrangah Fulham tan vawi 22 a inlan.

Hetihlai hian City chuan Inrinni khan friendly match-ah minute 86-na a Samir Nasri goal hmangin Melbourne City 1-0 in an hneh. English club tan Vincent Kompany, Yaya Toure leh Gael Clichy ten starting eleven an chang a, pound maktaduai 49 man Raheem Sterling-a'n field sir aṭangin a thlir a, pound maktaduai 8 man Fabian Delph-a'n Australia a la thleng hman lo thung.