International Champions Cup hi engnge?

2015 International Champions Cup hi a ṭum thumna a ni tawh a, friendly tournament a ni. Kumin hian hmun thum - Australia, China leh United States-ah te khelh a ni.

Australia-ah hian Real Madrid, Roma leh Manchester City te an tel a, match hnih ṭheuh an khel ang. July 18 khan khelh ṭhat a ni a, July 24-ah khelh zawh a ni ang.

China-ah AC Milan, Inter Milan leh Real Madrid te an tel a, July 25-30 chhung khian match hnih ṭheuh an khel ang.

United States-ah erawh team 10 - Chelsea, Manchester United, Paris, Saint-Germain, Fiorentina, Club América, Benfica, Barcelona, LA Galaxy, New York Red Bulls leh San Jose Earthquakes te an tel. Match zawng zawng hi US-ah khelh a ni lo a, Mexico, Canada, Italy leh England-ah te khelh a ni bawk ang.

MLS club LA Galaxy leh San Jose Earthquakes ten match hnih an khel ang a, a bak team riatin match li ṭheuh an khel ang.