CONCACAF Gold Cup US tan Dempsey a inlar

Inrinni zan khan CONCACAF Gold Cup quarterfinal khelh ṭan a ni a; United States chuan Clint Dempsey-a hattrick siam hmangin Cuba chu 6-0 in an sawp a, semi­final an inhlang kai.

M&T Bank Stadium in Baltimore, Maryland-a inkhelah hian a tir aṭanga a tawp thlengin Jurgen Klinsmann-a enkawl US an chungnung tluan chhuak zak. First half-ah goal li khungin second half-ah goal hnih an khung. US tan hian Dempsey bakah Gyasi Zardes, Omar Gonzalez leh Aron Johansson ten goal khat ṭheuh an khung.

Kum 32-a upa Sea­ttle Sounders FC star Dempsey hian an ram tan goal 47 a khung tawh a, tun tournament-ah hian champion beisei awm ber pawhal an an ram US chu a dah mek a ni.

Quarterfinal inkhel dangah Jamaica chuan Giles Barnes goal khat khung hmanga Haiti hneh­in semifinal an lut ve bawk.

Haiti hian inhlaim vangin an player pawi­mawh Pascal Millien bakah Jermaine Taylor, Je-Vaughn Watson leh Darren Mattocks te chu hrem vangin an chhawr thei lo an tuar tih a chiang hle.

Nilaini zan khian US leh Jamaica te hi semi­final-ah an inhma­chhawn ang. Final hi July 26 a khelh tur a ni.