1500m record siamtu Dibaba

Ethiopian athlete Genzebe Dibaba chuan Diamond League-ah 1500m world record thar a siam.

Zirtawpni khan France khawpui Mona­co-ah hmeichhe 1500m intlan­siak neih a ni a; kum 24-a upa Dibaba chuan 3:50.07 (minute 30 leh second 50.07) chhunga tlan thlengin kum 1993 September thlaa Chinese athlete Yunxia Qu-in record record a lo siam tawh 3:50.46 chu a rawn khum a ni.

World championship-ah medal la la chiah lo mah se Dibaba hian kar hmasa khan Barcelona-ah African record 1500m chu 3:54.11 chhungin a lo tlan thleng tawh bawk a ni.

Dibaba unau hi infiamnaah an duai lo hle mai a, a upa ber Tirunesh Dibaba chu Olympic champion vawi thum a nih tawh bakah Ejegayehu Dibaba chuan Olympic silver medal a dawng tawh bawk. An unau hian kum 2012 Olympic khan Ethiopia ai an awh a ni.