African Champions League a chiang lo

Raja Casablanca-in African Champions League semi final second leg-a Zamalek an hmachhawn tur chu Covid-19 vangin a buai leh ta a, he thu buatsaih lai hian an kalpui chhunzawm dan turah thuchiang a la awm lo. 

Moroccan champion Raja hi kar hmasa khan Egyptian club ṭha Zamalek  nen hian semifinal second leg hi khel tura tih an ni tawh a, mahse Raja player pariatin Covid-19 an kai avangin inkhelh hun hi  Confederation of African Football (CAF) lam chuan an sawnsak. 

Mahse, Thawhlehni khan Raja hian test an nei leh a, positive hi player pariat aṭangin 14-ah a kai chho - CAF head of communications Alex Siewe chuan Raja leh Egyptian thuneitute nen inbiakna an kalpui mek thu a sawi. 

Alex Siewe chuan, "Khawi lam lam tan pawha a ṭhat theih dan ber tur ngaihtuah chungin kan inbe rawn mek a ni," a ti a, nimin khan Raja player-te hian test nei nawnin he thu buatsaih lai hian an dinhmun kan hre hman lo. 

CAF hian ruahmanna hmasaah chuan Raja hi an youth team player pathum an hruai tel an lo phal sak hial tawh a, tunah erawh engkim a chiang lo leh ta - Moroccan champion hian first leg-ah Zamalek hi 1-0 in an ngam lo tawh a, an inkhel thei a, an 'comeback' a nih chuan final-ah Al Ahly an hmachhawn ang.