Justin Gatlin a tlan chak zel

American sprinter Justin Gatlin chuan mipa 100m intlansiakah ro a rel chhunzawm zel a, vawi 23 intlansiak a hmachhawnah hnehna a chang fai vek.

Kum 33-a upa Gatlin hian kar hmasa khan Lausanne-ah 100m chu second 9.75 chhunga tlan thlengin hnehna a lo chang tawh. Zirtawpni khan Monaco-ah intlansiak awm lehin 9.78 chhungin 100m a tlan thleng leh a, kar hmasa a ama record lo siam tawh chu tluk lo deuh mah se hnehna a chang tho.

Sprinter rothap Gatlin hnungah hian a hnampui Tyson Gay (9.97s) leh France chhuanvawr Jimmy Vicaut te an thleng ve bawk.

Mipa 100m world cham­pion leh Olympic cham­pion nilai Usain Bolt chu inhliam vangin a la chawl mek; Bolt hian kar lehna neih tur London Anni­versary Games leh August thla a China khawpui Bei­­jing-a neih tur World Championship-ah inlan a tum avangin mipa intlansiak boruak hi a lian dawn hle.

Kum 2013 World Championship-ah khan Bolt hian Gatlin hnehin pakhatna a lo ni tawh a ni.