Champion lai MFN leh LM FC che ṭha

MN Enterprise MFA Women's League-ah champion lai Mizo Football News leh LM FC, Durtlang ten match hmasa pahnihah hnehna an chang. Coach Lalsangzuala Hmar enkawl MFN hian nimin khan SYS FC chu 8-0 zetin an sawp a, LM FC hian team ṭha Springfield HSS FC, Republic Veng chu 2-1 in an hneh ve bawk.

Inkhel dangah Kulikawn FC-in Lalhmachhuani Memorial FC chu 6-0 in an sawp. Kulikawn hian Lalrinmuani leh Lalfakmawii te kawl mah se match hmasa berah MFN lakah 3-0 in an tlawm.

Women's League-ah hian team ruk chauh an awm a, vawi khat ṭheuh an inkhelh kual hnuah a sang paliin semifinal an lut dawn. Vawi hnih chak tawh MFN leh LM FC te hi chu match hnih lek aṭangin knockout stage lut turah an ngaih theih nghal ang.