A zawnin Marquez a chak

Bike intlansiakna sang ber MotoGP season kal laiah Marc Marquez a tlan ṭha thei hle, intlansiak vawi hnih an neih tawhah Ducati rider hian umphaktu a nei lo, pakhatna dinhmun a luah ve ve a ni.

Pathianni zan khan Argentina Grand Prix tlan niin, world champion vawi ruk ni tawh Marquez hi a unaupa Alex Marquez hmaah a thleng a, intlansiak tak an neih hma a an tlan ṭhin Sprint Race-ah a chak bawk.

Termas de Rio Hondo-a intlansiakah Marc Marquez hi a hmasa ber aṭangin a tlan chhuak a, mahse a nau Alex chuan tlan pelin rei tak chhung chu hma a hruai. Amaherawhchu, a vawi 90 nana chak turin a tawpah marquez hi a rawn dawk chhuak a ni.

Spanish rider Marc-a hian point 74 hmuin hma a hruai fal nghal a, kum 2019 hnua a vawi khat nan champion leh a beisei dawn. Hliam nei loin a tlan zel thei a nih chuan midang chunga leng turin theihna a nei.

March thla tawp hian Circuit of the Americas, Austin-ah Grand Prix of the Americas an tlan leh ang.