Draper tan Masters 1000 title

Indian Wells khelh zawh takah Jack Draper a champion. British tlangval hian a vawi khat nana ATP Masters 1000 title la tur hian Holger Rune chu straight set hmangin a hneh.

Draper hi player ṭha pangngai tak a ni a, mahse tun hmain nomawi lian tham a la chawi ngai lo - tunah chuan Denmark tlangval Rune lakah 6-2, 6-2 in a chak, tennis a khelh hun chhunga a nomawi hlu ber a vaw chhuak.

Masters 1000 final a khelh hmasa bera champion nghal Draper chuan, "Nikum khan Indian Wells-ah hian hneh nei loin ka tla nghal, tawnhriat pawh ka nei tam hman lo hle. Mahse, tunah chuan ka tournament ngainat berte zinga mi a ni ta.

"Kum khat chhung rim takin ka bei zui a, hliam leh harsatna lian vak lo te chu tawk ve bawk mah ila ka tum min daltu atan an lian tawh lo, tunah chuan min ti chak lehzual tu an ni ta zawk," a ti.

Kum 23 mi Draper hi tun kara world ranking chhuak tharah chuan psarihna a ni thei dawn a, a vawi khat nan a sang zual 10 zingah a hming a chuang dawn, atan hun chhinchhiah tlak a ni ngei ang.